குடும்ப பென்ஷன் வாங்க வேண்டுமா? இந்த ஆவணங்கள் எல்லாம் தேவை!!

குடும்ப பென்ஷன் வாங்குவதற்கு என்ன ஆவணங்கள் எல்லாம் வேண்டும் என விரிவாக பார்க்கலாம்.

கொரோனா காலத்தில் பென்ஷன் வாங்குவோரின் சிரமத்தை நீக்கும் வகையில் அவர்களுக்கு தொகையை விரைந்து வழங்க வேண்டும் என அரசு வலியுத்தியது. அதனால் மக்கள் சற்றே நிம்மதி அடைந்தனர்.

ஆனால் முதல்முதலாக குடும்ப பென்ஷனுக்கு விண்ணப்பிக்கும் போது அதிக ஆவணங்கள் கேட்கப்படுகின்றன. அதைச் செயல்படுத்துவதற்கும் கால தாமதம் ஆகிறது.

ஆவணங்களைப் பொறுத்தவரையில், பயனாளி இறந்தவுடன் அவரது வாழ்க்கைத் துணைக்கு குடும்ப பென்சன் கிடைக்க சம்பந்தப்பட்டவரின் இறப்புச் சான்றிதழ் அவசியம்.

மரணமடைந்த பயனாளிக்கும் அவரது வாழ்க்கைத் துணைக்கும் ஒரே இணைப்புக் கணக்காக இருந்தால் குடும்ப பென்சன் பெறத் தொடங்குவதற்கான விண்ணப்பப் படிவம் அவசியம் . இறப்புச் சான்றிதழ் , வயதுச் சான்று , பிறப்புச் சான்றிதழ் ஆகியவை அவசியம் . ஆனால் படிவம் 14 (form-14) வங்கியிடம் சமர்ப்பிக்கத் தேவையில்லை .

மரணமடைந்தவருக்கும் அவரது வாழ்க்கைத் துணைக்கும் ஒரே இணைப்புக் கணக்கு இல்லாவிட்டால் மேற்கூறிய ஆவணங்களுடன் form 14 கட்டாயம் சமர்ப்பிக்க வேண்டும் .